Samantha Atia
Champs da lavur tar la ISDU
La manadra dal secretariat surpiglia la responsabladad per in’administraziun ed organisaziun effizienta da la ISDU. Quai munta da manar ils process administrativs e finanzials e la responsabladad per las incumbensas HR. Ultra da quai ha ella la responsabladad per la coordinaziun dals fatgs dad IT e sustegna da maniera activa la planisaziun e la realisaziun dad occurrenzas.
Furmaziun & background professiunal
Samantha Atia (ella/sia) è stada responsabla dapi l’avust 2023 per la furmaziun ed il svilup da la ISDU sco directura administrativa interimistica, avant ch’ella ha surpiglà la funcziun actuala sco directura dal secretariat. Ella ha ina scolaziun commerziala, in bachelor en antropologia sociala e tudestg sco lingua estra ed ina furmaziun cuntinuada sco assistenta HR.
Ella dispona dad experientschas multifaras da differentas branschas – tranter auter dad activitads en l’administraziun publica, lavur da project sco era l’accumpagnament dad emprendist*:as. Invistas preziusas en temas relevants per ils dretgs umans ha ella pudì rimnar spezialmain durant sia activitad tar il post spezialisà DIA da la citad da Turitg.
Linguas: tudestg, englais, franzos, arab